Lalrina Renthlei a vanduai

Commonwealth Cue Sport Championship 2026, Ahmedabad-a neih zawh takah India aiawhtu Lalrina Renthlei chuan 10 Ball Pool quarterfinal lut mah se United Kingdom aiawha tel Mark Foster lakah a vanduai.

Lalrina leh Foster te hi hun tiam (100 minutes) chhungin 5-5 in an inhnehtawk a, shootout-ah Lalrina hi 4-2 in a vanduai ta zawk. Tuikhuahtlang pa Lalrina'n India tana medal hlawhchhuah theihna hun duhawm tak a bawhpelh. Lalrina hneh loh Mark Foster hi 10 Ball Pool-ah hian a champion.

Mizoram Snooker & Billiards Association chuan Silver Jubilee lawm nan November thla hian MSBA Hall, Hawla Indoor Stadium-ah All India Open 9 Ball Pool Championship an buatsaih dawn. Inelna awm tur hi India rama Cue Sport event awm tawha prize pool sanna ber tur a ni a, nuai 13 sem ral a ni dawn a, champion-in nuai nga an dawng ang.