PSG-in ngai an awh chho

Season bul an ṭan ṭhat tawk loh hnuah Paris St-Germain an chak leh ṭan tawh a, Inrinni zan khan an mikhual Le Mans chu 3-1 a hnehin an zia an chhuah leh ṭan tawh.

PSG tan Lucas Beraldo-a'n penalty aṭangin an hmahruaina goal a khung a, second half-ah Khvicha Kvaratskhelia leh Maghnes Akliouche ten goal khat ve ve an khung bawk. Le Mans tan Louis Mafouta goal khung chu scoreline cheimawina chauh a ni.

French champion hi an match hmasa pahnih aṭangin point hnih chauh an hlawh chhuak a, Luis Enrique-a'n a naute chhan viau mah se a zawna match hnih an chak loh chhunzawm avangin sawisel a tawk nasa.

Champions League-ah PSG hi insiamṭhain Slovan Bratislava chu 6-1 in an hneh a, hemi hnu hian league match thum khel leh tawhin an la chak vek a, mahse rinhlelhna nen a thlir an la ni.

Table-ah PSG hi pangana an ni leh tawh a, hmahruaitu AS Monaco chu an chak zawh loh avangin point thum chauhin an inthlau tawh. Chutihrualin match ruk chauh an la khelh avangin thil tam tak a la thleng thei a ni.