Zaninah GIG Motors Veteran Football Kick Off

5th GIG Motors Veteran Football Tournament 2026 Kick Off chu zanin hian Dawrpui Multipurpose Centre-ah neih a ni dawn a, home minister K. Sapdanga chu khuallian a ni ang. Inelna hi kum 40 chung lam tan a ni a, tun ṭumah hian team 20 an tel dawn. Kick Off hi BR Studio YouTube channel aṭangin a en theih ang.

Champion team hian nuai khat leh sial an dawng dawn a, AMC hnuaia Ward anga inelna a nih rualin Aizawl khaw pawn tan Constituency angin a tel theih thung. AMC hnuaiah Ward 19 a awm a, chung zing aṭang chuan Ward 15 telin Ward VII, Ward VIII, Ward XIII leh Ward XV te an tel lo. Aizawl khaw pawn aṭangin team nga Lengpui Veteran, Aizawl South III, Ṭawi Constituency, Kolasib Veteran leh Champhai Zotlang Veteran FC te an tel bawk.

Kick Off zan hian tie draw neih a ni nghal dawn a, Mizo striker lar ṭhin leh G90's vice chariman Ari Benjamin LR Hmar kaihhruaina hnuaiah tie draw neih a ni ang. G90's hian KickOff zan hian Mizo football tana thawh hlawk H. Ramthlengliana IPS, PC Vanlalhruaia (MFA hruaitu) leh John Lalpeka (CEO GIG) te hnenah chawimawina hlan an ni ang a, final khelh hunah Mizoram football hmel tlak danglamtu Lalnghinglova Hmar hnenah chawimawina an hlan bawk ang.