Blasters-in Inter Kashi an hneh nghal

Club neitu thar hnuaia an match hmasa berah Kerala Blasters-in hnehna an chang nghal a, an mikhualna ramah Inter Kashi chu 2-0 in an hneh - South Indian club tan hian Vibin Mohanan leh Andre Green ten goal khat ve ve an khung.

Inter Kashi hian pre-season pawh nei mumal loin ISL an hmachhawn a, Varanasi club ni mah se, Pune khawpuiah tun season atan home match an khel dawn - season hmasa khan Kolkata-ah home match an lo khel tawh bawk.

Ashley Westwood enkawl Blasters tan Freddy Lallawmawma chuan inkhel bul ṭanin, player thar Paul Ramfangzauva chu second half ṭantirhah luhtir a ni bawk - Inter Kashi tan defender thar Laldinliana Renthlei chuan inkhel bul a ṭan a, Mizo player dang an kawl lo thung.

ISL hi zaninah chuan an chawl ang a, Nilaini zanah khelh ṭan leh a ni ang - Punjab-in odisha FC an mikhual dawn a ni.