AC Milan an chak zo lo

Ruben Amorim-a enkawl AC Milan chuan Pathianni zan khan an mikhualna ramah, goal khung hmasa mah se an chhuah leh nghal avangin an chak zo lo a, 1-1 in an inhnehtawk.

First half-ah Milan-in vawi tam chance an hlah a, Goncalo Ramos, Diego Moreira leh Strahinja Pavlovic ten an chance neih an chhawr ṭangkai thei lo vek a, Sassuolo-in chance an nei ve lo.

Second half-ah Milan-in hma an sawn hret a, minute 63-naah Luka Modric-a pass chu Adrien Rabiot-a'n chiang zetin a pet goal a, a team hma hruaipuiin an phur nghal hle.

Mahse Milan hlim chhung a rei lo a, minute nga hnu lawkah goal an chhuah leh nghal. Mualneitu team tan defender Cas Odenthal chuan an siphurh sutna goal a khung.

Samuel Chukwueze-a'n Milan tan chakna goal khung theihna chance nei mah se a hlah a, hun tawp thlenga goal dang a luh tawh loh avangin team pahnihten point an insem.

Milan hi an chak zawh loh avangin panganaah an tla a, Cagliari-in point khatin an lehpel. An match hnuhnung pangaah vawi hnih chiah an chak a, hnehna an chan chhoh leh vat loh chuan Amorim-a dinhmun a nghing ang.