Coventry-in Newcastle an sawp!

Premier League kai thar, Frank Lampard-a enkawl Coventry City chuan 4-1 ngawtin Newcastle United an sawp a, kum 25 chhunga anmahni khelmual ngeia Premier League match-a hnehna an chan hmasak ber a ni - Coventry tan chuan a hlu thlawt.

CBS Arena-a inkhelah Coventry hian goal an khung hma hle - Newcastle goalkeeper Lukas Hornicek chuan Sidiki Cherif titluin penalty a chawi a, Jack Rudoni chuan harsatna nei loin goal-ah a chantir. Minute ruknaa Coventry goal khung hi tun season-a anmahni khelmuala goal an khung hmasak ber a ni nghal!

First half-ah goal dang lut lo mah se, second half-ah Coventry an hmuhnawm chhunzawm - minute 48-naah Sidiki Cherif chuan an goal hnihna a khung a, 2-0 in hma an hruai.

Newcastle tan Sven Botman chuan minute 70-naah si phurh a rawn sut ṭhen a, Magpies-in beiseina thar an nei - an hlim chhung erawh a rei lo takzet. Minute 81-naah Ellis Simms chuan an goal thumna khung lehin, Stephen Mfuni chuan minute 86-naah a belhchhah a, goal dang a lut tawh lo.

Coventry-in tun season-ah league match ruk khel tawhin, a vawi hnih nan an chak a, relegation zone an tlansan zui - table-ah 14-naah chho nghalin, point ruk nen Manchester United nena an point hmuh zat a inang mek!