Mission Vengthlang an champion

Sorazo ADFA Second Division Football Championship 2026-27-ah Mission Vengthlang an champion a, season thara ADFA First Division khel turin an tling. Final hi nimin chawhnu khan Durtlang Football Stadium-ah khelh a ni a, MSVT hian Chite Veng 4-2 in an hneh.

MSVT tan Lalramchhana'n goal hnih a khung a, Melvin Zothankima leh Lalhmunmawia ten goal khat ve ve an khung. Chite Veng tan Peter Lalrinhlua leh Jerome Lalawmpuia ten first half leh second half injury time-ah an khung a, scoreline timawitu chauh a ni.

Final-a goal hnih khungtu Lalramchhana chu player of the match-a thlan a ni a, tun inelnaah top scorer a ni bawk. MSVT champion-na kawnga player pawimawh Lallawmsanga chu best player-ah thlan a ni. Fair Play award erawh Bethlehem Vengthlang FC-in an dawng thung.