Paragliding Accuracy C'ship zo fel

International Paragliding Accuracy Championship 2020 chu February 15, Inrinni khan Serchhip-ah an zo fel. Inelna hian khawvel hmun hrang hrang aṭangin mi 23 an tel a, Korea aṭanga rawn kal ByungChang Jeun chu overall-ah pakhatna a ni.

Mizoram sorkar leh Mizoram Aero-Sport Association (MASA) buatsaih inelna hi February 12 khan a hawnna neih a ni a, February 13-15 chhungin inelna hi neih a ni.

 

Pilot-te hi Bawngchawm chuan hnuai ram aṭangin an thlawk chhuak a, Zawlpui mat phaiah an ṭum. Pilot pakhat hi vawi riat zel an thlawk a, Accuracy C'ship a nih ang hian pilot te hi ṭumna tur bik siamsak an ni. Anṭum ṭhat dan a zirin point pek an ni a, 

ṭum dik thlapin 0 (zero) an hmu a, 500 chu point hmuh chhiat theih dan bera ni thung. 

Korean pilot ByungChang Jeun hian point 166 a hmu thei a, vawi riat an thlawhah hian an point hmuh chhiatna ber belh tel a ni lo. Pakhatna hian euro 2000 an dawng a, India pawisa chuan cheng nuai khat sing nga bawr vel a ni.

Mipa leh hmeichhe lawmman hi a inanga sem a ni a, pakhatna euro 2,000, pahnihn euro 1,500 leh pathumna euro 1,200 te a ni. Hmeichhe lamah Korean nula Jinhee Baek pakhatna a ni a, overall-ah pahnihna a ni pha bawk. Overall lawmman erawh siam a ni lo.

Mizo tlangval pahnih PC Zodinsanga leh Lalremruata te an tel a, 16-na leh 21-naah an awm. Judge pariat awm zingah Mizo pahnih V. Lalrindika leh Dr Lalmuanpuia te an tel bawk.