Ruihhlo lakah i fihhlim ang u - Home Minister

5th GIG Motors Veteran Football Tournament 2026 chu Thawhlehni zan khan Dawrpui Multipurpose Centre-ah home minister K. Sapdanga'n khuh hawnna a nei a, kickoff zan hian fixtures tlangzarh a ni bawk.

Kickoff zana khuallian K. Sapdanga chuan, "Sorkar lamin ruihhlo luhna leh a zuartute khap beh hna (supply reduction) an thawh laiin, mipuite leh ṭhalaite zinga ruihhlo hman châkna tih reh (demand reduction) chu a pawimawh hle. Infiamna, a bik takin football ang chite hian nunphung hrisel leh ngaihtuahna dik min pe a, ruihhlo laka fihlimna kawngah 'demand reduction' atan hmanraw pawimawh tak a ni," tiin inelna buatsaihtute a fak a, kum 40-60 thlenga la infiam peih rual kalkhawm te chu ruihhlo laka fimhlim tur leh ruihhlo do kawnga sorkar pui tura a chah bawk.

Champion team hian nuai khat leh sial an dawng dawn a, inelnaah hian team 20 telin group pangaah ṭhen niin October 19, Thawhṭanni aṭangin inelna hi ṭan a ni ang.