Ramthar Vengin relegation zone chhuahsan

Star Cement MPL13-ah Ramthar Vengin nimin tlai khan MLS 2-1 in an hneh a, hun pawimawhah player danglam bik MS Dawngliana a rawn inlar. Coach Lalnunmawia hoten point thum hlu tak an hlawhchhuah avangin table mawngphah aṭangin panganaah an inhlangkai.

Nimin tlai RG Stadium-a inkhelah Ramthar Vengin K. Lalfakzuala hmangin first half-ah khung hmasa mah se Lawngtlai club-in Lalfamkima goal hmangin siphurh an sut. Team pahnih an inhnehtawk mai dawna a lan laiin MPL1 top scorer Dawngtea a rawn inlar a, minute 71-naah chakna goal a khung.

Ramthar Vengin match tawp berah Mizoram Police a hmachhawn dawn a, MLS an hneh avangin MPL khel zel turin an dinhmun a ṭha. MLS erawhin match tawp berah Chanmari FC an hmachhawn dawn a, Lawngtlai club dinhmun a derthawng hle.