Keifang Keite a la tar lo

Star Cement MPL13-ah Mizoram Police chuan Dinthar FC 2-1 in an hneh a, Police tana chakna goal khungtu chu Police captain Lalbiakhlua (Biaktea) a ni. MPL10 champion Police hian an hnuai chiaha awm Dinthar an hneh avangin pathumna nichungin league round an khar ang.

Thawhlehni zan RG Stadium-a inkhel hi ruahsur vangin inkhelh hun tih tlai a ni a, boruak nuam tak hnuaia inkhelah Dintharin goal an khung hmasa zawk. Minute 18-naah James-a'n ṭha taka vei lam aṭanga la lutin goal ṭha bik a khung.

Police lamin minute 37-naah Malsawmfela hmangin an sut a, B. Rosangliana freekick pet chu Police striker hian a tauh lut. Tun season-ah Sawmfela leh Rosanga Betlu te hi an inkawp fuh a, Police tlarhma tichaktu an ni.

Hun tawp lamah Dinthar tlarhnung an chesual a, goalkeeper Zosangliana petchhuah sual chu Biaktea'n changin Dinthar defender pakhat a bum hnuah cool zetin Maimawms keeper Zosanga a pet khum. Keifang Keite hming lem an pek Biaktea'n kum 40 hnaihah goal ṭha bik a khung a, Dinthar laka Police a chakpui avangin man of the match-a thlan a ni.