Season tawpah Zverev no. 1 ni dawn

Kumin tennis season tawp hunah ATP rankingah Alexander Zverev a chung berah a awm dawn tih a chiang tawh. Thawhṭanni khan Shanghai Masters round of 32-ah mak takin seeded no. 2 Carlos Alcaraz-a'n Belgian player Zizou Bergs chu 7-5, 7-6 (7-4) in an hneh lo a, Spanish star hian German player Zverev hi a umpha thei tawh lo.

Zverev chuan, "Kum tawpah pakhatna ka ni dawn tih ka hria a, ka tan chuan season ṭha tak a ni a, ka duhthusam a thleng," tiin a sawi. German star hian a elpui pahnih Spaniard Alcaraz leh Italian Jannik Sinner te hliam vanga an khelh theih loh a vanneihpui.

Kum 29 mi Zverev hian tun hmain Grand Slam-ah a la champion ngai lo a, final-ah vawi thum a chak loh hnuah kumin June khan French Open-ah a champion a, thla liam ta khan US Open-ah champion leh bawk.

Tunah hian ATP ranking-a number 1 chu Sinner a ni a, Italian star hi hliam vangin kuminah a inlan dawn tawh lo. Zverev hian Sinner hi November 2, 2026-ah a lehpel thei dawn chauh a, chutihrualin a lehpel ngei dawn tih a chiang tawh thung.