Mitoma a lo kir hnai

Japanese forward Kaoru Mitoma chu a lo kir leh dawn hnai a, October 18, Pathianni zana Brighton & Hove Albion-in Crystal Palace an mikhual hunah squad-ah a awm leh tawh dawn niin khawthlang chanchinbuten an tarlang.

Kum 29 mi Mitoma hi kumin May khan Wolverhampton lakah a kaiza tha a tina a, Mitoma hliam hi a serious avangin World Cup-ah pawh khan an ram tan a khel ve thei lo.

Tun season bul ṭannaah pawh Mitoma a la tel ve thei lo a, training la zawm chiah lo mah se dam lam a pan chho a, tun Pathianni zana Palace nen an inhmachhawn hunah an coach Fabian Hurzeler-a'n chhawr a tum tawh nia sawi a awm.

Ball a khalh thiam vanga hriat hlawh Mitoma hian season hmasa khan hliam vangin a inkhel tam tawk lo a, Seagulls tan Premier League-ah match 25 khelin goal thum leh assist pakhat a nei.

Tun hnaiah Brighton hian hliam an ngah a, Evan Ferguson (ke rek), Stefanos Tzimas, Mats Wieffer (khup) leh Yankuba Minteh (chawn) te an chhawr thei lo mek. Hetiang kara Mitoma lo kir tur hi chanchin lawmawm a ni.

Brighton hian zaninah Conference League-ah Lithuanian club Kauno Zalgiris an mikhual dawn a, player inhliam tam mah se Hurzeler-a tan hnehna chang turin harsatna an tawh a rinawm loh.