Star Cement MPL13 League Winner Aizawl FC

Mizoram chhunga football club hlawhtling ber Aizawl FC-in nomawi an chawi belh leh dawn a, Nilaini zana Chanmari FC leh Kanan FC te goal awm loa an inhnehtawk avangin coach R. Lalruatfela hote hi Star Cement MPL13 League Winner an ni. Aizawl FC hian MPL11-a league round-a ti ṭha ber hnena nomawi pek a nih aṭang khan league round-ah pakhatna an la ni ziah a, October 17, Inrinni zanah a lungthu kim nan League Winner nomawi an chawi ang.