English club zingah 94% in hlawkna an nei lo

Independent Football Regulator (IFR) chuan Premier League, English Football League leh National League-a club 116 te sum hman dan a zirchianaah club 109 ten hlawkna an nei lo a, 94% zet a tlin phak avangin English football kal zel dan turah a him loah a ngai.

Zirchianna aṭanga a lan danah chuan club 116 aṭanga 29% chu club neitute inhnukdawk ta se, ni 30 pawh an daih dawn lo. Club neitu puihna tel lo chuan English club 66%-in ni 60 bak an daih lo ang.

Club 20-in an sum hmuh aṭanga 80% chu player hlawhah an hmang a, club paruk phei chuan an club sum hmuh aia tam player hlawhah an hmang. Hemi a nih avang hian IFR-in club sum hman danah dan khauh zawk a siam ngei rin a ni.