Bodo/Glimt-in Dortmund barakhaih

Season liam ta khan Bodo/Glimt-in Champions League round of 16 an thleng a, kuminah pawh Norwegian club hi knockout stage thleng thei dinhmunah an ding. Nilaini zan khan Bodo/Glimt hian German club ṭha Borussia Dortmund an mikhual a, 1-0 in an hneh.

Aspmyra Stadion-a inkhelah Fredrik Sjovold-a'n minute 52-naah goal awmchhun a khung a, kum 23 mi right back Sjovold hian amah ang bawka Norwegian Sondre Auklend cross chu goal-ah a chantir. Bodo/Glimt tana bul ṭantute hi Norwegian vek an ni a, Dortmund erawh ram hrang hrang lak khawm niin German player pahnih chiahin bul an ṭan a ni.