Forest mikhual tur Arsenal

Nottingham Forest chuan Pathianni zan dar 9:00-ah champion lai Arsenal an mikhual dawn a, tun season inelna hrang hranga vawi khat chiah la chak Forest-in vawi khat chiah la tlawm Gunners hneh an tum dawn.

Gunners hian Brighton & Hove Albion 3-0 a an hneh loh hnuah Leeds United hnehin an insiamṭha leh tawh a, Thawhlehni zan khan Champions League-ah Lille chu 3-0 in an sawp bawk a, Forest lakah pawh chak ngei tura ngaih an ni.

London club tan inhliam sa William Saliba bakah Piero Hincapie, Christos Tzolis leh Martin Zubimendi te chu hliam an neih avangin an inlan thei dawn lo a, mahse an squad a chhah avangin Mikel Arteta tan lungngaihna tur a awm lo.

Chutihrualin Gunners hian October 21, Nilaini zan hian Bayern Munich an hmachhawn dawn a, Arteta-a'n player ṭhenkhat chawlh hahdamtir a duhin a rinawm. Chuvangin Forest tan Gunners barakhaih theihna hun remchang a ni.