Aizawl FC tan nomawi chawi zan

Star Cement MPL13 League Winner nomawi chu zanin hian Aizawl FC-in RG Stadium-ah an chawi dawn. MPL11 aṭang khan league round-a point hmu sang ber hnenah League Winner nomawi pek ṭan a ni a, Aizawl FC vekin an la dawng a, an record hi a chhhuanawm hle.

Nomawi sem hma hian Aizawl FC-in zanin dar 7:00 hian Kanan FC an hmachhawn dawn a, coach R. Lalruatfela hote hian pakhatna dinhmun an luah tawh avangin khelh chhan tur a awm tawh lo. Mahse, AFC hian nomawi chawi zanah chak ngei an duh ang.

AFC striker Zomuansanga'n goal 12 a khung tawh a, amah hnaih bertu a khelhpui Laltlanzova'n goal kua a khung tawh. Forward ṭha pahnih Zomuana leh Zozoa te hian match hnuhnung berah goal an khung lo a, Kanan lakah record tih ṭhat an duh ang.