Brighton an chak nuamsa

Ningani zan Conference League inkhelah Premier League club Brighton & Hove Albion chuan 4-0 in Kauno Zalgiris an hneh a, Conference League-a an vawi khat inlannaah chak turin harsatna an tawk lo.

American Express Stadium-a inkhelah Brighton-in goal an khung thei lawk lo a, mahse first half tawp hma hretin Georginio Rutter a inlar a, goal a khung bakah Jack Hinshelwood-a khung tur a siamsak.

French forward Rutter-a'n a a duhtawk mai lo a, second half-ah a goal hnihna leh an team goal thumna a khung belh. Matt O'Riley chuan minute 67-naah an chak nemnghehna goal tauh lutin Seagulls an chak nuamsa hle.

Seagulls hi tun season-ah an che ṭha a, Premier League-ah pathumnaah awm mekin Manchester City leh Arsenal te chiah an tluk lo. Conference League ṭan chauh mah se Fabian Hürzeler-a naute hi an chet ṭhat avangin champion thei tur zinga mi an ni.