Terina goal a tawk zo lo

Zirtawpni zan Indian Super League inkhelah Lalrinliana Hnamte (Terina) chuan Sporting Club Delhi tan goal hmahruai a khung a, mahse, Dungtlang/Chanmari tlangval goal khung hian a team a chhanhim zo lo - Mohun Bagan lakah 2-1 in an tlawm ta tho.

Zirtawpni zana inkhelah, Terina hian minute 23-naah ṭha zetin goal hmahruai a khung a, striker goal ni awma mawi a ni. NorthEast United laka tlawm tawh Bagan an hlauthawng hman.

Mahse, second half minute 56-naah Lee Erwin inlarin, Bagan tan si phurh a sut a, hetah hian a la tawp mai lo. Minute 60-naah Mizo midfielder Lalengmawia Ralte (Apuia) chuan amah vengtu rual tlanpelin, Miguel Figueira tan a siamsak a, Brazilian player tan khung loh chi a ni tawh lo.

Bagan an chak a, Apuia bakah Lallianzuala Chhangte chuan inkhel bul ṭanin, a khel ṭha viau bawk - SC Delhi tan Augustine Lalrochana chu bench aṭangin luhtir a ni bawk a, mahse, danglamna thlen turin hun a tam tawk tawh lo a, an tlawm.