PSG-in hmahruai lailawk

Season bul ṭan ṭha tawk lo mah se Paris St-Germain an insiamṭha leh tawh. Inrinni zan khan 3-1 a Strasbourg hnehin table-ah pakhatnaah an inpetkai a, mahse nizana AS Monaco result a zirin an dinhmun a danglam leh thei thung.

Stade de la Meinau-a inkhelah mual neitu team tan Giovanni Reyna-a'n minute 17-na lekah an hmahruaina goal a khung a, PSG-in an sut theih lawk loh avangin an mangang hman hle.

Mahse, minute 77-naah Illia Zabarnyi-a'n a sut thei hram a, Ousmane Dembele leh Desire Doue ten goal khat ve ve khung belh lehin, harsa takin hnehna an chang thei hram. Luis Enrique naute hian October 20, Thawhlehni zan hian Barcelona an mikhual zui ang.