Martinez tel loin Inter an chak

Serie A champion lai Inter Milan chu an striker Lautaro Martinez inhliam mah se buaina an tawk lo a, Inrinni zan khan 3-1 in khualmualah Bologna an hneh.

Bologna tan Tommassa Pobega goal khung chu Inter chhaih kawlhtu mai a ni a, Inter-in Marcus Thuram, Carlos Augusto leh Ange-Yoan Bonny te hmangin an chhang let.

Inter tan an striker Martinez chu Club Brugge nen an inhmachhawn ṭuma a malpui vei lam a tina a, thla khat bawr vel tal a chawlh a ngai dawn. Cristian Chivu hian November 30 zana Milan derby an khelh hun atan Martinez-a dinhmun a la chiang lo.

Kum 29 mi Martinez awm lo mah se Bologna laka goal khungtu Thuram leh Bonny te bakah, Italian rawlthar Pio Esposito a la awm bawk avangin Chivu tan lungngaihna tur a awm lo.