A chung berah Leipzig sawptu Bayern

German champion Bayern Munich chuan Inrinni zan khan an mikhual RB Leipzig chu 6-1 in an sawp a, Borussia Dortmund-in Union Berlin an inhnehtawkpui avangin hmahruaitu an ni.

Bayern tan Luis Diaz-a'n hattrick a siam a, Aleksandar Pavlovic, Michael Olise leh Harry Kane ten goal khat ṭheuh an khung - Leipzig tan Andrija Maksimovic-a goal khung chuan an mualpho tur pawh a hliah pha lo.

Bavarians hian October 21, Nilaini zan hian Arsenal nen Champions League-ah an inhmachhawn dawn a, Premier League champion nen an inkhelh hmaa goal ruk zet an khung avangin Vincent Kompany naute hi an inringtawk sawt ang.