PSG & Barca: Hmanlai thawnthu chu!

Paris St-Germain leh Barcelona inkhelh dawn apianga an sawi tel ṭhin chu Champions League 2016-17 season, round of 16-a an intawn kha a ni - kha aia football thawnthu ngaihnawm kha a tam bik lo.

Khatihlaia Barcelona boss chu tuna PSG coach Luis Enrique hi a ni a, UCL last 16 first leg-ah PSG hi khualmualah 4-0 in an ngam lo a nih kha. Catalan club tan comeback a beiseiawm tawh lo a, second leg chu a thi tawhah tam takin an ngai.

Mahse, second leg-ah mak tak maiin Barcelona an comeback a, 6-1 a French club hi hnehin, inkhel pahnih belhkhawmah 6-5 in an pet chhuak a nih kha - Barca goal hnih hi hun pek belha lut a la ni zui!

Tun thlengin PSG rilru a dam thei lo! Kha thil thlen hma khan Europe-ah club pahnih hi vawi riat an intawng tawh a, Barca hi vawi thum chakin, vawi thum an in draw a, vawi hnih chu PSG an chak.

UCL 2016-17 hnuah ringawt pawh team pahnih hi vawi nga an intawng leh tawh a, PSG vawi thum an chak a, Barca hi vawi khat chiah chak vein, vawi khat an in draw. PSG hian round of 16 leh quarterfinal aṭangin season zawnin Barca an pet chhuak bawk.

Kum 2023-a Barca puanthuah tel tirtu phei chu tuna PSG boss Luis Enrique a ni a, hliam a lo siamsak tawh club tuam dan nan, a club hlui tan hliam a siam a ni ber - zaninah an intawng leh dawn a, chungnung zawk nih an châk ve ve dawn.