Semenyo a chawl rei dawn

Manchester City-in chanchin lawmawm lo an nei a, forward Antoine Semenyo chu hliam vangin kar riat vel tal a chawlh a ngai dawn - kum 26 mi forward hi Ipswich Town nen an inkhelh ṭumin a khupah a inhliam.

City boss Enzo Maresca chuan, "A hliamte kan en dik hnuah kan rilru a hahdam leh ta zawk a, kan rin ang emin a na lo zawk. Kar riat vel a chawlh a ngai dawn a, a tana pawimawh ber chu a dam leh vat hi a ni," a ti.

Semenyo hian tun season inelna hrang hrangah match 10 khelin goal hnih a khung tawh a, assist vawi thum a nei. Hetihlai hian Erling Haaland erawh a dam a, zanin dar 12:30-a Champions League match an khelh hunah pawh a inlan thei ang.

Haaland hi Ipswich nen an inkhelh zawhah khan na a nei a, mahse, a ngaihtuahawm lo. Maresca chuan, "Zaninah pawh a inlan theih ka ring a, kan en chhin leh phawt ang," a ti - hahdamtir zawk pawh a fuh mai thei.

City hian UCL match an khelh zawhah, October 24, Inrinni tlai dar 5:00 hian Premier League match an khel lehnghal dawn a, Aston Villa chu khualmualah an lenchilh dawn a ni.