Ligue 1 hmahruaitu thar Lyon

French club hlun Lyon chuan Pathianni zan khan 2-1 in Nice an hneh a, hmahruaitu ni lai AS Monaco an chak loh avangin point hmuh zat inangah an goal difference ṭhat ber avangin hmahruaitu an ni.

Groupama Stadium, Lyon-a inkhelah mikhual team tan Elye Wahi-a'n goal a khung hmasa a, mahse first half chhungin Pavel Sulc leh Tanner Tessmann te hmangin an chhang let. Lyon forward Keito Nakamura chu minute 70-naah hnawhchhuah a ni a, result a tidanglam pha tawh lo thung.

Tun season-a che ṭha tak Monaco erawh khualmualah goal an khung thei lo a, Lorient tan Noah Cadiou-a goal chu hun tawp thlenga an sut theih loh avangin tun season-a a vawi khatna atan an chak lo.