Palinaah Leverkusen an chho

Pathianni zan Bundesliga inkhelah Bayer Leverkusen chuan 2-1 in Freiburg an hneh a, table-ah palinaah chhoin an hneh tak Freiburg hnuai chiahah an awm zui nghal.

BayArena, Leverkusen-a inkhelah mikhual team tan Derry Scherhant-a'n goal khung hmasa mah se, mual neituin Ibrahim Maza leh Patrik Schick hmangin an lehthal.

Czech Republic forward Schick hian tun season-ah goal nga a khung tling chiah a, Bayern Munich forward Michael Olise nen an khung zat inangin Werder Bremen striker Niclas Fullkrug chiah a tluk lo.

Kum 20 mi Maza a che ṭha bawk a, tun season Bundesliga-ah goal hnih leh assist pahnih a nei tawh a, Algerian rawlthar hi a inthlahdah loh chuan club liante chil tiputtu a ni thuai ang.

Inkhel dangah Hoffenheim chuan 2-1 in Borussia Monchengladbach an hneh ve bawk a, Hoffenheim hian point ruk hmuin relegation zone an chhuahsan.