Villa danglamna thlentu Manzambi

FIFA World Cup 2026-ah Johan Manzambi-a'n hming a chher a, Switzerland forward hi Aston Villa-in an lalut. Hliam vangin Manzambi-a'n season bul a ṭan thei lo a, a dam hnuah Villa-in result an nei ṭha ṭan.

Kum 21 mi Manzambi hian Villa tan match hnuhnung paliah bul a ṭan a, goal thum a khung. Unai Emery hoten kartawpa Newcastle United an hneh ṭumin goal awmchhun a khung a, Champions League-ah pawh Fenerbahce lakah goal a khung. Zanin dar 12:30 hian Aston Villa-in Viking an mikhual dawn a, Manzambi hi a inlan thei a nih chuan en bik tur a ni ang.