Mumbai City chak zo lo

Indian Super League-ah Mumbai City an la chak thei lo - Thawhṭanni zan khan Mumbai club hian Punjab FC chu khualmualah an lenchilh a, 1-0 in an chak tawh mai dawn emaw an tih hnuah, minute 90-naah goal an chhuah a, 1-1 in an inhnehtawk.

Mumbai hian minute 65-naah penalty an hmu a, Leandro Otormin chuan penalty hi goal-ah chantirin, 1-0 a ni. Mahse, minute 90-naah Mumbai tan Gurkirat Singh chuan si phurh sutna goal a khung a, 1-1 in inkhel a tawp.

Punjab-in league match hnih aṭanga point li an neih laiin, Mumbai erawh an match hmasa berah kai thar Churchill Brothers chu 2-1 a an ngam loh avangin point khat chiah an la nei a, tun season ISL-ah an la chak ve lo.

Thawhṭanni zan ISL inkhelah hian Mumbai tan Zothanpuia leh Hmingthanmawia Ralte (Valpuia) ten inkhel bul an ṭan ve ve a, bench aṭangin Lalnuntluanga Bawitlung a lut thung.

ISL hi nizan aṭang khan match a awm leh tawh rih lo a, Zirtawpni zan aṭangin khelh ṭan leh a ni ang - ISL hi YouTube-a ISL channel-ah a thlawnin en theih a ni a, television-ah chuan Sony Sports Network-in an pe chhuak a, Sony Liv-ah a en theih bawk.