President's Cup khelh hun sawn

Tualchhung cricket inelna ngaihhlut President's Cup 2019 chu vawiin aṭanga khelh tura ruahman a ni a, mahse khua in a bumro avangin a hun sawn a ni. Khua a ṭha a nih chuan November 13 aṭanga khelh theih beisei a ni.

Cricket Association of Mizoram (CAM) hnuaia inelna hi Ramhlun Sports Complex leh Durtlang khelmualah te khelh tura tih a ni a, mahse tun hnaia ruah sur vangin field pahnih hi cricket khelh nan hman theih a ni rih lo. Tun season inelnaah hian President's Cup 2018 champion Bawngkawn South chu round hmasa berah an bye a, Laipuitlang leh Hunthar inkhela chak zawn nen Ramhlun Sports Complex-ah an inkhel ang.

Season hmasa khan first division inhlangkai hlim Bawngkawn South hian Chanmarians chu wicket thuma hnehin an champion a, nikuma an sulhnu ṭha ang hi neih leh an tum dawn. Chutih rualin team tinin inbuatsaihna an neih ṭhat avangin nomawi humhim erawh a awlsam dawn lo.