November 11 aṭangin Mizoram Pro Fight Night

Aizawl District Boxing Association buatsaih Mizoram Pro Fight Night chu November 11 - December 5, 2026 chhung hian neih a ni dawn a, boxer a duh apiang tan tel theih a ni a, amateur boxing a nih angin BFI dan hman a ni ang. Weight category pariat a awm dawn a, inelna hi a tir lamah MSSC Boxing Hall, Ramhlun Sports Complex-ah neih tur niin round sang chinah R. Dengṭhuama Indoor Stadium, Mualpuiah neih tur a ni.

Boxer entry form hi a lakchhuah theih tawh a, November 7, Inrinni thleng Zonet Office (Zarkawt), MSSC NRC Boxing (Hawla Indoor Stadium, Republic Vengthlang), SYS Boxing Academy (MSSC Boxing Hall Ramhlun Sports Complex) leh SYS Boxing Academy (Ainawn Veng) ah te lakchhhuah theih a ni ang. November 9, 2026 zing dar 7:00 aṭanga tlai dar 4:00 chhungin MSSC Boxing Hall-ah inbuk tur a ni ang.