Atletico chak zo lo

Manchester United hneh hlim Atletico Madrid-in an hneh ngei tura ngaih VfB Stuttgart an hneh zo lo a, an mikhualna ramah 1-1 in an inhnehtawk - Bundesliga club hian minute 36-naah Jamie Leweling hmangin goal hmahruai an khung a, hmahruaitu nih an phu.

Mahse, German club hian first half-a an chance neih zozai goal-a an chantir loh rah an seng zui a, second half ṭan aṭanga minute hnihna lekah Julian Alvarez chuan si phurh a sut a, 1-1 a ni.

Spanish club beisei ang erawhin thil a kal bik lo. Minute 64-naah midfielder Morten Hjulmand chu hlauhawm taka Angelo Stiller laka a chet avangin hnawhchhuah a ni a, Stuttgart-in player pakhata tam zawkin an khel zui.

Mahse, Madrid khaw club an ṭang tlang a, German club-in an chance neih goal-ah an chantir thei lo. Hun tawp thlengin goal dang a lut lo a, 1-1 a inhnehtawkin, team pahnih an ṭin.

Atletico hian Liverpool an ngam loh hnuah United hneh mah se, draw result an neih leh tak avangin point li chiah an la hmu - hmabak a la ko rih hle.