World Cup khel tur Mizo pathum

FIFA Under-15 World Cup & Festival khel tur India squad puan a ni ta a, Mizo pathum an tel. India U15 coach Bibiano Fernandes chuan Thawhlehni zan khan player 14 awmna India squad hi a puang a, midfielder pathum C. Lalhmingropuia, R. Lalremruatfela leh Victor Lalawmpuia te chu squad-ah hian an tel a ni.

Mizo player zingah Lalengmawia Ralte (Apuia) chu tun thlengin Mizo zinga World Cup-a inlan thei awmchhun a la ni reng a, Mizo midfielder pathumin a hnung an zui ve ta - Azerbaijan-ah inelna hi neih tur niin, player 14 chauh squad-a an awm avangin Mizo naupangte an inlan ngei a rinawm a, match hi 8-a-side format-a khelh tur a ni thung.

India hi group K-ah awmin, Bahrain, Cameroon, Grenada, Laos leh Senegal te nen an inkhel dawn a, inbuatsaih nan kar hmasa lawk khan Doha-ah Aspire Academy U15 nen friendly match vawi hnih an khel a, Qatar national team inchherna player-te nen hian 2-2 ve vein an inhnehtawk.