Frankfurt captain Abraham an hnawt chhuak

Pathianni zan Bun-desliga inkhelah Eintracht Frankfurt captain David Abraham chu SC Freiburg manager Christian Streich a sut tluk luih avangin hnawhchhuah a ni a, an mikhualna ramah Freiburg hi 1-0 in an ngam lo.

Schwarzwald-Stadion-a inkhelah Frankfurt midfielder Gelson Fernandes chu chawlh lawk hma chiahin hnawhchhuah a ni a, second half minute 77-naah Nils Petersen chuan Freiburg tan chakna goal awm chhun a khung. 

Hun tawp dawnah Frankfurt captain David Abraham chu ball chhar tumin mual aṭangin a tlan chuak a, mual sira Streich lo ding chu su luiin a tlu a, hnawhchhuah a ni. Freiburg midfielder Vincenzo Grifo pawh minute 57-naah thlak ni tawh mah se buaina chhuah lai hian a lo inhnamhnawih leh a, red card pek a ni ve leh hnuhnawh bawk.

Kum 54 mi Streich-a enkawl Freiburg hian Bundesliga match 11 khelh tawhah point 21 an hmu a, pahnihna RB Leipzig leh champion lai Bayern Munich te nen an point neih zat a inang.