Lakers chak tluang lai a tawp
A zawna match sarih chhung hnehna an chan hnuah Los Angeles Lakers chu an tlawm ve leh ta. LeBron James awmna team hi nimin zing khan Toronto Raptors lakah 113-104 in an tlawm.
NBA regular season match hmasa berah Lakers hi an chak lo nghal a, a hnu lamah erawh match sarih an chak zawn. Tun ṭumah pawh hian chak tura rinkai an ni. Mahse, James (13 points) chet fuh loh zanah Anthony Davis (27 points) khelh ṭhat chu hnehna chan nan a tawk zo lo.
Raptors lamin hliam vangin Kyle Lowry leh Serge Ibaka te an chhawr thei lo. Amaherawhchu, season hmasa lam pawha an hman thiam tawh Pascal Siakam (24 points and 11 rebounds) leh Fred VanVleet (23 points and 10 assists) te hmangin hnehna an chang.
Milwaukee Bucks tan nimin zing khan Giannis Antetokounmpo a che ropui leh pek hle. Antetokounmpo hian Oklahoma City Thunder lakah point 35 a neih bakah rebounds vawi 16 lain a team hi 121-119 in hnehna a chanpui.
Nimin zing NBA Results
Denver Nuggets 100 - 98 Minnesota Timberwolves
Indiana Pacers 109 - 102 Orlando Magic
Philadelphia 76ers 114 - 106 Charlotte Hornets
Milwaukee Bucks 121 - 119 Oklahoma City Thunder
Cleveland Cavaliers 108 - 87 New York Knicks
Phoenix Suns 138 - 112 Brooklyn Nets
Portland Trail Blazers 124 - 113 Atlanta Hawks
Toronto Raptors 113 - 104 Los Angeles Lakers