Run 31-in Mizoram chak lo

Nimin khan Mizoram cricket team chuan Syed Mushtaq Ali Trophy khelh laia an match thumna an khel a, an khingpui Puducherry lakah run 31-in an chak lo - match thum an khelh tawhah Mizoram hian hneh an la nei lo a ni.

Bandra Kurla Complex, Mumbai-a inkhelah Mizoram hi ṭhum vawrah an vannei zawk a, vawm hmasak an thlang. Puducherry lamin over 20 chhungin run 155 an siam a, target sang pangngai tak an siamsak.

Mizoram tan Taruwar Kohli-a'n ball 61 a hmachhawn aṭangin run 76 ngawt a vaw chhuak a, mahse amah thlawptu an awm ṭha tawk lo. Mizo player zingah Lalhmangaiha (5 runs), Lalhruaizela (3) leh Reuben Lalhruaizela (4) ten run an siam ve bawk.

Match hmasa lamah Mizoram hian Mumbai leh Bengal an ngam lo tawh bawk. An match lina atan vawiin hian Bandra Kurla Complex, Mumbai-ah Madhya Pradesh nen an inhmachhawn leh dawn a ni.