PBL-ah Marin a chak lo

Premier Badminton League khelh kal mekah Ningani zan khan team thar Pune 7 Aces chu Chennai Smashers lakah 4-3 in an tlawm a, Pune lam hmachhuan Carolina Marin chu singles match pawimawhah a chak lo.

The Arena by SE TransStadia-a inkhelah Chennai tan mixed doubles pair Chris Adcock leh Gabrielle Adcock te chuan Trump match-ah hnehna an chang a, English shuttler Rajiv Ouseph chuan mipa singles match hmasa zawkah Brice Leverdez a hneh zui avangin 3-0 in hma an hruai.

Pune lam tan chak loh a thiang tawh lo, mahse an chuanvawr ber Marin pawhin singles beisei a phak thei chuang lo. Olympic champion hi Sung Ji lakah 15-14, 7-15, 15-13 a tlawmin 4-0 a ni a, an match hmasa pathumna a vawi hnih nan Chennai Smashers an chak.