Mizoram leh Nagaland inhnehtawk

Ranji Trophy-ah Mizoramin wicket kua hlohin run 581 zet siam mah se Nagaland-in run 516-in an chhanglet a, second innings khelh tur la awm mah se ni li hman zawh a nih tak avangin an inhnehtawk.

First innings-ah Mizoram hian run an siam tam zawk a, hei vang hian point thum an hlawh chhuak a, Nagaland-in point khat an hmu thung. Ranji Trophy hi ni li chhung khelh a ni a, a chak zawkin point ruk an hlawh chhuak a, chutihrualin an chakna zat hi wicket 10 a tlin chuan bonus point khat telin point sarih a hmuh theih.

Team pahnih an inhnehtawk a nih chuan, first innings-a chak zawkin point thum an hmu a, a chak lo zawkin point khat. Innings khat pawh khel zo lo a, an inhnehtawk a nih chuan point khat ve ve an hmu thung.

Mizoram tan guest player Chinmay Sutar-a'n run 400 tehmeuh a siam a, man of the match-a thlan a ni. Tun ṭum inelnaah hian Mizoram hian match hmasa berah Manipur wicket thumin an hneh lo a, October 26, Thawhṭanni aṭangin GS Patel Stadium, Gujarat-ah Meghalaya nen an inkhel leh ang.