India dinhmun a ṭha zel

India cricket team chuan a vawi khat nan Australia ramah test series an la dawn niin a lang. Nimin khan test match hnuhnung ber 'ni hnihnaah' India chuan run 622 zet siamin wicket sarih hloh mah se an duh tawk a, Australia hian bat chhunzawmin run 24 an siam hman.

India hian Australia ramah test series an la la ngai lo a, tuna series khelh mekah hian 2-1 in hma a hruai a, test match hnuhnung berah pawh chak thei dinhmunah an ding. Men in Blue tan Cheteshwar Pujara chuan run 193 zet a siam a, Rishabh Pant pawhin century siamin thi loin run 159 a siam ve bawk.

Australia tan opener pahnih Usman Khawaja leh Marcus Harris te an la thi lo a, fourth test-a hnehna chan an duh a nih chuan tukin zing dar 5:00-a ni thumna

ṭan hunah an vawm hlum hma a ṭul ang. Cricket khelh dan hmanga an ngaihhlut ber Test match hi ni nga khelh ṭhin a ni.