Vawiinah MVA Season Opening final

MUCO BANK Ltd. MVA Season Opening Tournament 2026 final chu vawiin hian Electric Veng YMA Hall-ah khelh a ni dawn. Tlai dar 5:00-ah hmeichhe final khelh a ni ang a, zanin dar 8:00-ah mipa final khelh a ni zui ang.

Season Opening Tournament hi Mizoram Volleyball Association YouTube channel-ah a en theih a, a hmunah a thlawnin a en theih bawk. Nimin khan semifinal khelh a ni a, Hrangbanyanz VC-in final lut turin Eric Pautu Academy VC chu 25-17, 25-23, 25-17 (3-0) in an hneh.

Nimin hmeichhe semifinal hnuhnung zawkah Chhinga Veng Spikers leh Tuichangral VC te an inhmachhawn a, result kan hre hman lo. Nizan khan mipa semifinal-ah Chhinga Veng Spikers vs Tuchangral VC bakah Anastasia Electric Veng leh TNT VC te an inkhel a, result kan hre hman lo bawk.

Season Opening hi Pro Volleyball club-te inelna a ni a, tun season-ah mipa team sarih leh hmeichhe team pali a awm dawn. Mipa team pasarihte chu Hunthar Volleyball Club, Anastasia Electric Veng Volleyball Club, Chhinga Veng Spikers, Tuichangral Volleyball Club, Sihphir Volleyball Club, TNT Volleyball Clubleh team thar Mamit club 08 Spiker te an ni.

Hmeichhe lamah Hrangbanyanz VC chu team thar an ni a, Hrangbanyanz bakah hian Chhinga Veng Spikers, Tuichangral Volleyball Club leh Eric Pautu Academy Volleyball Club te an awm a ni.