India U19 an mualpho

AFC Under 19 Championship 2020 qualifier khelh zawh takah Indian rawlthar rual an mualpho a, an match hnuhnung berah Afghanistan chu 3-0 a ngam loin match thum an khelhah an chak lo vek!

India hian match hmasa berah Uzbekistan chu 2-0 in an ngam lo a, an match hnihnaah Saudi Arabia hmachhawnin 4-0 in an mualpho zui.  Saudi laka an tlawm meuh hi chuan India tan beisei tur a awm tawh lo a, Afghanistan lakah mualpho thup nan hnehna chan hram an tum. 

Mahse, Afghanistan hian captain Ahmad Ramaki hmangin minute hnihna lekah goal hmahruai an khung a, Ahmad Nawshad leh Khatam Del ten chhunzawm ve lehin India an tlawm. India squad-ah hian Lalbiakhlua Jongte leh Lalrampana Pautu an tel a, inelna neih chhungin coach Floyd Pinto-a'n a hmang lo.