Lewandowski-a'n Olise a fak

Bayern Munich forward hlui Robert Lewandowski chuan Michael Olise chu player thiam bik a nih thu a sawi a, Ballon d'Or dawng thei khawpa ṭha a nih thu a sawi bawk.

Kum 38 mi Lewy chuan, "Olise hi player thiam bik a ni a, game thlak danglam hlak thei khawpa theihna nei sang a ni. Khelmual chhunga a che vel hi tunlaiah hmuh tur a vang tawh a, Ballon d'Or dawng thei khawpa thiam a ni," a ti.

French forward Olise hian season hmasa khan inelna hrang hrangah Bayern tan goal 22 khungin assist 26 a nei a, Bundesliga leh German Cup-ah champion nomawi chawiin Champions League-ah Bavarians chu semifinal a thlenpui a, World Cup-ah an ram chu semifinal a thlenpui bawk.

Hetichung hian Olise hi kumin Ballon d'Or dawng tura hming langsar zingah a tel pha lo a, World Cup-a Spain champion puitu Lamine Yamal leh a teammate Harry Kane te rinkai ber an ni.

Pathianni dar 10:00-ah Bayern hian an lenchilh dawn a, Olise hi Champions League-ah red card a hmuh vangin Arsenal hmachhawn zingah a tel lo a, Freiburg lakah erawh Vincent Kompany-a'n bul a ṭantir ngei a rinawm.