Khualmualah Brighton chak zo lo

Ningani zan Conference League khelhah Brighton & Hove Albion chuan Czech Republic club Jablonec chu khualmualah an hneh zo lo a, team pahnihten goal an khung theih loh avangin 0-0 in an inhnehtawk.

Brighton coach Fabian Hürzeler-a'n Pathianni zanah Liverpool a hmachhawn dawn tih hre chungin player a rem a, tun hnaia che ṭha tak Charalampos Kostoulas leh Lewis Dunk te bench-ah an ṭhu tluan a, Maxim De Cuyper phei chu squad-ah pawh a awm lo.

Fimkhur taka an khelh avangin Seagulls goal bawh a na tawk lo a, vawi 15 zet shot nei mah se goal zawnah vawi li bak an pet thei lo. Second half-ah Promise David leh Yasin Ayari te lut mah se danglamna an thlen thei bik lo a, hun tawp thlenga goal a luh loh avangin team pahnihten point an insem.