Sixers tan LeBron a vul zel

NBA season thar ṭan hnuah LeBron James chu a club thar Philadelphia 76ers tan a che ṭha zel a, nimin zing khan a club hlui Cleveland Cavaliers chu 114-106 in an hneh a, James hian 'double double' a siam.

Xfinity Mobile Arena, Philadelphia-a inkhelah LeBron hian bul a ṭan leh a, point 17 score-in rebound vawi 10 a la bawk a, mipui mit fukna ber a nih chhunzawm zel.

Inkhelh chhung zawngin James hian court chhungah minute 33 zet hun a la hmang thei a, kum 41 mi ni ve tawh mah se player naupang zawkte aiin a tha a la za zawk.

American forward bakah hian a teammate te an che ṭha tel a, Tyrese Maxey (32), Joel Embiid (24) leh Jaylen Brown (21) ten point 20 an score tling vek a, VJ Edgecombe chuan point 11 score bawkin Sixers player zingah point nei lo an awm lo.

Cavaliers tan Donovan Mitchell a che ṭha fal a, point 32 score-in rebound vawi 10 a la. James Harden, Evan Mobley leh Jarrett Allen te nen theihtawp chhuahin khel mah se James leh a team te lakah hnehna an chang zo lo.

Sixers hian Pathianni zing dar 5:00 hian Milwaukee Bucks an hmachhawn leh nghal dawn a, season tharah player te an khelh ṭhat nghal avangin Bucks lakah chak tura beisei zawk an ni leh ang.