Railways-in Remsiami leh Tluangi te chawimawi

Asian Games 2026-a India hmeichhe team champion puitu Lalremsiami Hmar leh Lalthantluangi te chu Zirtawpni khan an hnathawhna hmun Rail Coach Factory, Kapurthala Punjab-ah an chawimawi.

Siami hian kum 2018 khan OSD-II in Railways hi a zawm a, Tluangi hian kum 2025 khan junior clerk-in Railways hi a zawm ve bawk. Kapurthala, Punjab hi an innghahna hmun a ni a, tun ṭum champion team-ah khan RCF, Kapurthala aṭangin Mizo nula pahnih chauh hi an awm.

Chawimawina hi Rail Coach Factory Sports Association (RCFSA) general manager Ajay Nandan hoin hman a ni. Railways Board hian gold medalist te sum dawn tur zat an la puang lo a, Asian Games hlawhtlinna avang hian sum fai bakah an hnaah promotion an hmu ang.

A hmuaktu zingah Mizo zinga India aiawha hockey khel hmasa, Rosalind Lalchhanhimi Ralte (Atei) pawh a tel. Durtlang nula hi Railways Sports Promotion Board-ah head coach a ni mek.

Mizo nulate hian Mizoram sorkar aṭangin nuai 40 ve ve an dawng dawn a, Kanghmun South nula Tluangi hi Thenzawl Joint VC-in Thenzawlah inhmun an pe dawn bawk.