Hmeichhia-ah Hranbanyanz VC an champion

MUCO BANK Ltd. MVA Season Opening Tournament 2026-ah mipa leh hmeichhe final a hmuhnawm ve ve a, inlehthalna hmuh ve ve a ni. Tuichangral VC-in mipa leh hmeichhe final thleng ve ve mah se a vanduai zawkah an ṭang. Hmeichhe inelnaah Hranbanyanz VC an champion.

Tuichangral tan setter Lalrempuii a che ṭha a, set hmasa pahnihah an la nghal. Mahse, Hrangbanyanz VC an tlawm duh lo a, Elisian Medai (spiker) leh Daisy Lalmuanpuii (receiver) te an che ṭha a, set hnuhnung pathum lain Tuichangral an lehthal. Hranbanyanz hian final-ah 13-25, 20-25, 25-10, 25-13, 15-12 in Tuichangral an hneh a, an champion.