Mipa-ah Anastasia Electric Veng an champion

MUCO BANK Ltd. MVA Season Opening Tournament 2026 final chu Inrinni zan khan Electric Veng YMA Indoor Hall-ah khelh a, mipa inelnaah Anastasia Electric Veng VC an champion. Final hmuhnawm takah Anastasia hian Tuichangral VC chu 18-25, 23-25, 25-23, 25-23, 15-12 (3-2) in an hneh a, an inkhel tawk hle.

Semifinal-ah Anastasia Electric Veng VC hian TNT VC chu 25-22, 18-25, 25-19, 25-15 (3-1) in an hneh a, Tuichangral hian Chhinga Veng Spikers chu 20-25, 30-28, 25-18, 17-25, 24-22 (3-2) in an hneh hram. Final-ah pawh team pahnih an inhnehtawk a, Tuichangralin set hmasa pahnih an la hmasa zawk.

Mahse, an court-ah Anastasia Electric Veng tlawm an tum lo a; set hnuhnung pathumah a chungnung an chungnung hret a, an huaisen rah sengin nomawi an hlawh chhuak. MVA Season Opening Tournament 2026-ah hian Pro Volleyball club chauh an tel a, tun ṭum inelna pawh hi Pro Volleyball atana inpuahchahna ṭha tak a ni.