Mizoramin chakin bul an ṭan

ASMITA Sub Junior & Junior Women’s Hockey League 2026-27-ah Mizoram chuan nimin khan an match hmasa berah West Bengal aiawh Surinder Singh Memorial Hockey Academy chu 5-2 in an hneh.

Inelna hi Kokrajhar, Assam-ah neih a ni a, sub junior inelnaah Mizoram hi Assam Hockey, Surinder Singh Memorial Hockey Academy leh Hockey Association of Odisha te nen an awm ho.

Mizoram hian vawiin chawhma dar 10:30 hian Hockey Association of Odisha nen an inkhel leh ang a; October 28, Nilaini zing dar 8:30-ah inelna thlengtu Assam Hockey nen an khel leh ang.

Sub Junior inelnaah team li an tel a, vawi khat ṭheuh an inkhelh kual hnuah a sang pahnihin October 29, Ningani chhun dar 12:30-ah a sang pahnihin final an khel ang. Mizoram team hi coach F. Vanlalveni (SYS) leh KT Lalhlimpuii ten an hruai a ni.