Atletico chakpuitu Julian Alvarez

Diego Simeone enkawl Atletico Madrid chuan Inrinni zan khan Deportivo chu 1-0 in an hneh a, Julian Alvarez chuan goal awmchhun hi khungin a team chu point 25 a hmuhpui a, pahnihna dinhmun an hauh lai chu an sawh nghet.

Riyadh Air Metropolitano Stadium-a inkhelah mikhual team-in a tir lamah chance an ngah zawk a, Jan Oblak-a chet ṭhat avangin Atletico an him hram.

Second half-ah erawh mual neitu an insiamṭha a, ṭan aṭanga minute thumna lekah Alejandro Grimaldo cross chu Alvarez-a'n hnai tak aṭangin goal awmchhun a khung.

Argentine forward bakah Alex Baena chuan chance nei ve mah se goal dang an khung thei tawh lo. Deportivo tan hun tawp dawna Adama Traore cross chu Kevin Sanchez-a'n yard thum bawr vel aṭangin a hlah a, Oblak-a'n man sakin Atletico an chak.

Atletico hian tun season-ah vawi khat chiah chak loh an la nei a, vawi riat an chak tawh thung. An hmelma Real Madrid an hneh tawhin an hnuai chiahah an awm a, champion lai Barcelona chiah an tluk lo.