Dortmund-in hmahruai lailawk

Borussia Dortmund chuan Inrinni zan khan si khat faiin Eintracht Frankfurt an hneh a, Maximilian Beier chuan goal awmchhun a khung. Dortmund hian point 17 hmuin pakhatnaah an chho a, mahse nizan Bayern Munich inkhel result a zirin an dinhmun a danglam leh thei thung.

Tun season-ah Dortmund an che ṭha a, match sarih khel tawhin vawi nga an chak tawh, vawi hnih inhnehtawk tawhin chak loh an la nei lo. Mahse anni ang bawka tlawm la nei lo Bayern an awm a, goal khung an uar bawk avangin Dortmund hian thlen san an tum a nih chuan an chetsual a thiang lo.

Dortmund hian Bundesliga nomawi an chawi hnuhnun ber aṭangin kum 13 a liam tawh a, kuminah German football hrechiangtu Niko Kovac-a hoin champion beiseina an nei sang hle.